Introdución

A información reflicte varios aspectos: como estes asuntos teñen presenza nos órganos xudiciais; actos procesuais tan relevantes como as cualificacións que formula o Ministerio Fiscal e as sentenzas que se pronuncian; as medidas cautelares que se acordan nos procedementos xudiciais; as penas que se impoñen nas sentenzas condenatorias; a natureza das infraccións penais que son obxecto dos procedementos; e, finalmente, como estes asuntos están presentes nas dilixencias de investigación do Ministerio Fiscal.

Puedes estudiar los datos asociados a este cuadro de mando y generar un fichero de datos a medida

Generar informe a medida
Metodoloxía

1.Temática:
Información sectorial.

2.Indicadores:
- Procedementos incoados: dentro dos tipos de procedementos distínguese entre aqueles que albergan unha fase de investigación e aqueloutros que acollen a de axuizamento.
- Cualificacións/Sentenzas: infórmase sobre as cualificacións que formula o Ministerio Fiscal nos procedementos e sobre as sentenzas que se pronuncian. Dentro das sentenzas que se pronunciaron diferénciase entre absolutorias e condenatorias, e nestas segundas exponse se se chegou a elas por conformidade ou non.
- Retiradas de acusación: recóllense aquelas levadas a cabo polo Ministerio Fiscal respecto das cualificacións por el formuladas. Distínguese se a retirada trae causa no feito de que a vítima exercera o seu dereito a non declarar ou se se fundou noutra causa distinta.
- Medidas cautelares: recóllense as medidas cautelares que, respecto á persoa que é obxecto do procedemento como investigada ou encausada, se adoptan durante a tramitación dos procedementos e ata que se pronuncie sentenza.
- Execución de sentenzas: constan as penas fundamentalmente impostas nas sentenzas condenatorias pronunciadas.
- Natureza da infracción penal: as infraccións cometidas agrúpanse arredor de delitos concretos. Dentro de cada un deles pódese observar como están presentes nas cualificacións que formula o Ministerio Fiscal e mais nas sentenzas que se profiren; nestas, á súa vez, distínguese entre as sentenzas condenatorias por conformidade ou sen conformidade.
- Dilixencias de investigación: emítese informe nos procedementos penais de carácter preprocesual postos á disposición da Fiscalía para facilitar o seu labor de promoción da Xustiza e cuxa finalidade é esclarecer os feitos que constitúen o seu obxecto, practicando cantas actuacións sexan necesarias para o efecto, sempre que non estean reservadas á autoridade xudicial.

3.Ámbito xeográfico:
A información cobre o conxunto do territorio nacional. Publícanse datos a nivel nacional, por CCAA e provincias.

4.Organismos de aplicación:
Fiscalía.

5.Cobertura temporal:
Información con carácter diario, con datos dispoñibles desde 2018.

6.Actualización de datos:
Os datos actualízanse con periodicidade anual.

7.Procesos de normalización:
Procédese á normalización do dato xeográfico consonte a normativa técnica do CTEAXE (norma de referencia das ferramentas informáticas no ámbito da Administración de xustiza).

8.Axuste:
Non se realiza ningún tipo de axuste estacional, descomposición de series temporais nin métodos similares.

9.Fonte:
Os datos obtéñense da Fiscalía Xeral do Estado.

Esta páxina foi útil?
Díganos a súa satisfacción en función da súa experiencia navegando pola nosa páxina.