Introdución

O documento mostra achados toxicolóxicos en vítimas mortais de accidentes de tráfico en España a pedimento dos órganos xudiciais, sendo obxecto de estudo os resultados das análises toxicolóxicas referentes á taxa de alcohol e mais á detección de drogas de abuso e psicofármacos. Os ditos achados toxicolóxicos son relacionados con diversas variables epidemiolóxicas, tales como o sexo, a idade, o tipo de vehículo ou o día da semana en que se produciu o accidente mortal.

Neste estudo considérase “positivo” o resultado da análise que revele a presenza de calquera droga de abuso ou psicofármaco, sen ter en conta a cantidade, ou unha concentración de alcohol en sangue superior a 0,1 g/L.

 

Puedes estudiar los datos asociados a este cuadro de mando y generar un fichero de datos a medida

Generar informe a medida
Metodoloxía

1.Temática:
Información sectorial.

2.Indicadores:
- Vítimas mortais: número de vítimas mortais por accidente de tráfico no período indicado.
- Idade da vítima: media de idade das vítimas falecidas no período indicado.
- Vítimas con análise toxicolóxica positiva: número de vítimas nas que se detecta a presenza de calquera droga de abuso ou psicofármaco, sen ter en conta a cantidade, ou unha concentración de alcohol en sangue superior a 0,1 g/l, no período indicado.
- Resultados toxicolóxicos positivos: número de análises toxicolóxicas nas que se detecta a presenza de calquera droga de abuso ou psicofármaco, sen ter en conta a cantidade, ou unha concentración de alcohol en sangue superior a 0,1 g/l, no período indicado.

3.Ámbito xeográfico:
A información cobre o conxunto do territorio nacional. Publícanse datos a nivel nacional, por comunidades autónomas e por provincias.

4.Organismos de aplicación:
Instituto Nacional de Toxicoloxía e Ciencias Forenses (INTCF) e Instituto de Medicina Legal (IML).

5.Cobertura temporal:
Información con carácter diario, con datos dispoñibles desde o 01/01/2020.

6.Actualización de datos:
Os datos actualízanse con periodicidade anual.

7.Procesos de normalización:
Os datos dos accidentes de tráfico son revisados de acordo cos criterios establecidos polo Observatorio Nacional de Seguridade Viaria da Dirección Xeral de Tráfico.
A normalización do dato xeográfico realízase de acordo coa Normativa Técnica do CTEAXE (norma de referencia das ferramentas informáticas no ámbito da Administración de xustiza).

8.Axuste:
Non se realiza ningún tipo de axuste estacional, descomposición de series temporais nin métodos similares.

9.Fonte:
Os datos analíticos obtivéronse das seguintes institucións:
· Instituto Nacional de Toxicoloxía e Ciencias Forenses (INTCF).
· Instituto de Medicina Legal e Ciencias Forenses de Cataluña (IMLCFC).
· Instituto Vasco de Medicina Legal (IVML).
· Instituto de Medicina Legal e Ciencias Forenses de Aragón (IMLCFA).
· Instituto de Medicina Legal e Ciencias Forenses de Murcia (IMLCFM).
· Instituto de Medicina Legal e Ciencias Forenses de Valencia (IMLCFV).
· Instituto de Medicina Legal e Ciencias Forenses de Illes Balears (IMLCFIB).
· Instituto de Ciencias Forenses Luís Concheiro (INCIFOR).

Esta páxina foi útil?
Díganos a súa satisfacción en función da súa experiencia navegando pola nosa páxina.